Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◉楊喜媛
Thô-lí cheng-iām hoe chiàⁿ khui
Le̍k siōng ki-thiô chin kó͘-chui
Hí gêng chhun-thiⁿ lâi kàu ūi
Chhut-gōa chhit-thô thàn chit kùi
Khòng-khoah bû-piⁿ ê kong-kéng
Kóaⁿ cháu só͘-ū bái sim-chêng
Âng-mûi chheⁿ-liú sio tùi-èng
Châi-chú ka-jîn kiat oan-bêng
Ji̍t-thâu sio-lō chiò sim-hui
Pe̍h-hûn phiau-phiau èng hô-chúi
Tîⁿ-mî siuⁿ-si ūi tio̍h sûi
Siàu-lú chêng-hoâi hô chhù kui
Chhun-hong bî-bî chhoe ùi bīn
Iu-chhiû hoân-ló lóng kiám khin
Goa̍t-nó͘ chû sim lâi liân-bín
Sù góa chi̍t-tōaⁿ hó hun-in
