教師節

◎蘇晏德

九月二八教師節
老師用心來教冊
文武雙全逐項會
教阮表演展才藝

Káu-goe̍h jī-peh Kàu-su-cheh
Lāu-su iōng-sim lâi kà-chheh
Bûn-bú siang-choân ta̍k-hāng ē
kà goán piáu-ián tián châi-gē

教師節慶有意義
老師恩情無地比
疼咱袂輸是親生
金言玉語阮永記

Kàu-su chiat-khèng ū ì-gī
Lāu-su un-chêng bô-tè-pí
Thiàⁿ lán bē-su sī chhin-siⁿ
Kim-giân gio̍k-gí goán éng-kì

教師佳節獻感恩
恩師辛苦為著阮
祝福老師永青春
身體健康一百分

Kàu-su ka-chiat hiàn kám-un
Un-su sin-khó͘ ūi-tio̍h gún
Chiok-hok lāu-su éng chheng-chhun
Sin-thé kiān-khong chi̍t-pah-hun

教師節日謝恩師
老師親像咱爸母
教咱做人佮處事
生活充實閣豐富

Kàu-su cheh-ji̍t siā un-su
Lāu-su chhin-chhiūⁿ lán pē-bú
Kà lán chò-lâng kah chhú-sū
Seng-oa̍h chhiong-si̍t koh hong-hù

我有話要說