◎陳士彰
一位姊妹憂頭結面來教會禮拜，我ê婦仁人問伊有啥心事？原來chiah知影，伊前一暝為著查某囝欲出嫁，想規暝，反（péng）過來又koh反過去，計畫欲攢（chhoân）啥物嫁妝，查某囝嫁過去，chiah b? h??人看輕。無拍算透早起床，翁有伊ê想法，連查某囝嘛有家己ê計畫，害伊心肝頭lóng掠b?定，真正是「一暝全頭路，天光無半步」。
總是當到t?完成學業，大漢成人了後，面對現實ê生活，kap無情ê社會環境，必須要去選擇頭路ê時陣，回想過去，細漢所寫ê心願、理想、計畫等等，只有變成一場空虛無影ê夢爾爾（ni?-ni?）。
我leh擔任鄉土語文輔導員ê時陣，不時ài去研習講演，主辦單位lóng會指定題目h??講師，其中有一個講題，叫做「課程計畫ê書寫」。按照頂頭ê規定，每一位老師，t?開學進前，lóng著要將學期中所欲教學ê課程，書寫做計畫報告。逐擺t?講演進前，我lóng會做調查，問看是m? 是有老師，t?學期中lóng按照家己寫ê「課程計畫」，leh進行教學？調查ê結果是無半趴，誠是了然！因為一個班級內底，學生3、40個，上課進行中，會有啥物出頭、狀況，是無人有法度會通掌握ê。所以到路尾，大概lóng是用家己ê經驗leh教學，啥物「課程計畫」？Lóng是寫??leh h??頂頭做參考爾爾。
一生中間，咱lóng有算b?完ê心願、計畫，請問m? 知你達成偌濟？計畫規半晡，上路尾只有賰（chhun）一場夢，回想起來嘛是誠鬱卒！
舊約聖經記載，當耶和華上帝欲揀選摩西，chho?以色列百姓出埃及，無拍算摩西用「in絕對m? 相信我啦；m? 聽我ê話啦；我無口才啦」等等ê藉口，和上帝花誠久。路尾，上帝k?講：「我&hellip&hellip欲教示恁所應該行ê事。」（參閱出埃及記4章1～17節）
人活t?世間，ùi囡仔一直到老人，為著理想kap目標，心思意念不時計畫萬項事。上kài僥倖ê，是濟濟計畫，路尾lóng成做一場空虛ê夢。真正是為欲達成願望，拍拚規世人，嘛煩惱鬱卒一世人。
理想計畫chhiâu規半晡，總是猶無法度通達成，原因有誠濟，包括：外在環境ê影響；別人「十喙九尻川」ê意見；上kài主要ê，就是家己心神掠b?定。
基督福音ê信仰，h??人m? 免操煩b?看見ê未來，只要將家己ê萬項代誌，交託h??上帝，伊欲替咱開路。親像詩人按呢寫：「我beh教示你，指示你應該行ê路。」（詩篇32篇8節）koh講：「人ê心計畫伊ê路，獨獨耶和華定tio?h伊ê腳步。」（箴言16章9節）
