◎ 王昭華
鳳梨園ê小工，透早6點落園到10點歇睏，歇到過晝翻點，koh續接做到下晡5點，準時收工，1日1000現領，薅草（khau-chháu），落肥，k?鳳梨戴笠仔，一站一站工課無仝，早時仔5點t?公路邊相等，工頭一台車來咧載，規班人集合出發，今仔來t?這位這區園，明仔換去彼庄彼爿園，一綰人，查某人布巾仔包葵笠，查甫人選舉帽後斗觳（khok）seh一條面布jia頷頸，t?光青青、無蔭通bih ê日頭跤，對南大武山向北直到尾寮山，山跤兜這規沿佮（kah）平洋交接ê趨坡，袂當講是刀山、釘床，iah m? 過，劍利利ê鳳梨葉，一kó?一kó?、直逝（cho?）橫逝種kah密啁啁（ba?t-chiuh-chiuh），m? 知幾甲當幾公頃，天懸、地闊，刺刺（chhì-chhak）ê鳳梨園裡，kan-ta?穡場做工ê人一點、一點，?t?彼內面。
「防曝、美白」，只要是日時仔欲抹出門ê，無一?牌子ê保養品，無特別強調這兩項。愛?ê查某人攏驚曝，日頭光是愛全付武裝佮伊對抗到底ê，袂堪得一擺兩擺貧憚。少年ê小姐，攏合意（kah-ì）彼款會當免曝日、koh有通妝??ê頭路，會t?日頭跤大粒汗細粒汗拚kah歪腰ê，可能賰田庄ê阿桑仔阿婆仔矣，in ê查某囝、查某孫咧？攏去t?都市。T?阮這條逐不時都有農藥仔味ê產業道路，kan-ta?會tú著一位比我較少歲ê查某人，會像阮父母in彼代按呢，逐工toè翁婿落田鬥做穡，伊看著生份人，歹勢歹勢、戇戇仔笑ê面容，一看就m? 是咱遮?人，好親像攝影作品才會出現ê、亞洲大陸某一跡內山農村，猶未h??文明tò?著ê婦仁人，嘛凡勢是東南亞娶轉來ê客家新婦。
Tio?h曝日ê人，生產咱眾人逐工愛食ê米糧、菜蔬、果子，t?田裡園裡佮雜草、病蟲害戰，戰況激烈，只是外在看起來遐呢仔恬靜，草仔枝h??看袂著ê腹內火燒kah焦涸涸，菜葉（hâ）仔會?，是靠藥仔洗出來ê，重肥重本，汗水佮生化武器替咱換來ê戰果，市場這關無咧惜情，猶無一定好價接收。有藥仔味ê空氣，m? 是kan-ta?病院診所，t?咱作物ê產地，平坦曠闊ê田園，teh-beh是有隔界、無隔間ê病房矣。
免曝日ê人，暝日製造有形ê無形ê、有路用無路用ê大細項物。人本是受造，t?神面頭前無完全，在這世間享受伊所賜ê自由意志，用家己雙手去創造，不而過，人ê創造活動，總是有人ê罪性tài t?彼內底。神k?伊所創造、充滿活物ê世界──地裡生ê、空中飛ê、水裡泅ê，攏總交託h??按伊ê像所創造ê人來管理，卻是咱人敗壞ê本性，凡是無存後步，m? 願行對永活ê路。
少年時ê我，對「管理」這?角度誠反感，認為彼是咱人ê「貢高我慢」，家己膨風，咧替人類ê掌控慾設理由而已。這幾年才通體會，園仔欲顧kah有通收成，飼有夠一家3頓飽，就是愛管理（甘願枵腹肚ê，是koh另外ê矣）。一塊園仔都是按呢矣，更何況一粒地球？論真想來，是人心肝內彼隻貪獸無受管理，才會造成其他活物ê災厄。
新曆6月5號是「世界環境日」，6月ê第1?主日，（長老教會）總會設立做「環境主日」。我想起聖詩67首歌詞內底ê情景，非常合意「日光照來涼風吹來」彼種感覺。不管t?都市、t?庄跤，日光照來、涼風吹來，願主祝福：tio?h曝日ê人，佮免曝日ê人。
我心讚美上帝，自然永活的父，
天地萬物相與應聲，讚美祂大尊名，
樹木田園水泉，穹蒼大海高山，
顯明祂大權能榮光，仁愛公義齊全。
我心讚美上帝，世間眾人的父，
空中飛鳥吟詩出聲，讚美祂大尊名，
溪水草埔青翠，香花果子極美，
日光照來涼風吹來，講起祂大仁愛。
我心讚美上帝，天下本由一家，
雖?惡事暫時縱橫，公義穩當得勝，
聖國臨到地上，若準在天一樣，
天下到尾合做一家，榮光歸於上帝。
阿們
