Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎Pais Abiki
《台灣教會公報》3773期21版郭榮敏牧師〈再拼關鍵長老教會史：再談〈國是聲明〉是誰起草的〉一文，提tó鄭兒玉牧師台灣意識堅強，毋單淨冒險參與1971年長老教會〈國是聲明〉ke撰寫，還維護台灣母語，煞猛推動羅馬字，甚至批判長老教會放棄羅馬字，看輕阿姆話宣教ke「失策」，sa流目汁責備：「長老教會ngióng會出壞子孫！」郭牧師ke大作過再pûn ngài想起， 28年前鄭牧師到高雄教羅馬字ke光景。
該時節鄭牧師要求學生毋單淨愛曉得讀白話字聖經，ko訓練ngài-tên完全用白話字來寫文章。盡感謝佢為著ngài-tên ke羅馬字能力釘下盡好ke基礎，這對ngài後來用羅馬字學客話同原住民族語幫助蓋大。鄭牧師me接常分享佢對台灣時局ke見解。佢認為漢字無科學又壞學，係落後ke文字。漢字又係中華漢文化ke主要內涵同表徵。台灣最好全面豁thet漢字，改用羅馬字，徹底脫中去漢，正能夠出頭天。Ngài認同這个觀點。
鄭牧師堅持，阿姆話係台灣獨立建國ke文化、心理同精神磐石。現下台灣thê推動各族群母語復興ke時節，長老教會應該運用本身母語宣教同羅馬字ke「祖業」，參與重建台灣價值。（本文為南四縣腔客語，作者為本土語言創作者）
