《少年新眼光》讀經 台語版試讀 2021年3月22日 Má-khó(馬可福音書) 11章12~14, 20~26節

18

(請安裝Taigi Unicode字形,配合Firefox瀏覽器來讀)

譯者:王美書

「所以,我給恁講,恁祈禱的時無論求什麼,信已經得著就會得著。恁徛啲祈禱的時,若對某人心有不平,著給伊赦免;按呢,恁的天父嘛會赦免恁的過失。」(Má-khó 11章25節,現代台語譯本)

 

Siōng 重要 ê 祈禱是求上主 ê 赦罪

11章13節「到位一下看,樹頂 kan-taⁿ 有葉,其他無半項」,是 teh 講頭前 ê「就 óa 去看 hit 頂面有果子抑無」。因為看見無花果樹生葉仔並無代表樹仔頂一定有無花果 thang 食;必須檢查才 thang 確認,「因為  是無花果 ê 時期」,結果子 ê 季節(kùi-chiat)應該是 khah 晏(òaⁿ)ê 時。佇春天,枝葉茂盛 ê 無花果可能表示有 thang 食 ê íⁿ。但是,當耶穌檢查彼欉無花果樹,祂啥物攏無發現,只有樹頂早早就生出 ê 葉仔 teh 引發人 ê 期待。

咱就明白,耶穌是 thong-kòe 無果子 kan-taⁿ 有葉仔 ê 無花果樹,指控祭司長 hām 經學教師掌握 ê 聖殿宗教祭儀 kap 赦罪系統已經是「漚梨仔假蘋果」(àu-lâi-á ké phōng-kó),以後也無閣存在。耶穌禁止門徒 kap 眾人成做聖殿系統 ê 共犯,koh 進一步要求門徒家己 ǹg 上主祈禱來取代聖殿系統中 siōng 重要 ê 赦罪功能:「Lín tio̍h 信上帝。……所以,我 kā lín 講,lín 祈禱無論求啥物,tio̍h 相信已經得 tio̍h,就 lóng 會照 án-ne 實現……」。佇信仰內面,有啥物款 ê 祈禱比罪過 hō͘ 上主赦免閣 khah 重要?

佇台灣 ê 一寡教會,bat 時行抑是 tng-teh 時行請「屬靈權柄」 hām 「屬靈遮蓋」來為著家己 hō͘ 上主赦罪來祈禱,也有人為著得著「清氣」前往「祈禱殿」、「聖山」祈禱。Chóng–sī,耶穌要求門徒直接 ǹg 上主祈求來得著罪赦:「Lín khiā-teh 祈禱 ê 時,若想 tio̍h 有人得罪你啥物,tio̍h kā 伊赦免,lín ê 天父 mā 會赦免 lín ê 過失」。(譯者直譯)

祈禱 :上主啊,赦免阮 ê 過犯,親像阮有赦免得罪阮 ê 人。奉主耶穌基督 ê 名祈禱,阿們。

我有話要說