【台文世界】Koh-oa̍h ê Pek-ha̍p-hoe

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀

◎蔡榮信

Chhun-thiⁿ ê pek-ha̍p-hoe,
khui kah chiâⁿ piau-tì.
Chhun-hun goe̍h îⁿ ,
kì-liām Chú Koh-oa̍h chá-khí.
Bān-mih hôe-chhun,
oa̍h-mi̍h khùn-chhíⁿ chin hoaⁿ-hí.
Lí-hiaⁿ-góa-tī, sio-chio chò-hóe lâi gîm-si.
O-ló Siōng-tè, siúⁿ-sù oa̍h-khùi têng hoat-íⁿ.
Kū ê í-keng kòe-khì, sim-sîn lóng ōaⁿ sin.
Khì-kū ōaⁿ sin,
thoat-chhut o͘-àm bô koh sí.
Hoaⁿ-hoaⁿ-hí-hí
chio lín tàu-tīn lâi gîm-si.
Chú Iâ-so͘ koh-oa̍h,
ha-lē-lu-iah tâng hoaⁿ-hí.
Ha-lē-lu-iah !
Iâ-so͘ koh-oa̍h hoaⁿ-hí lâi gîm-si.