【台文世界】Ióng-Kám Pháu-cháu Lán ê Lō͘

勇敢跑走咱的路

Image by rawpixel.com on Freepik.

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

◎Tēⁿ ka-tián

Siūⁿ tio̍h Tâi-oân ê chiân-tô͘
Ū-sî khòaⁿ kah bīn o͘-o͘
Kok-chè táⁿ-ap chin bû-ko͘
Lóng-sī Tiong-kok ê kè-bô͘
Kok-lāi kok-gōa chhut àu-pō͘
Hō͘ lán oh-kiâⁿ lán ê lō͘
Kiû Chú ín-chhōa kap pó-hō͘
Pó-siú lîn-bín khui oa̍h-lō͘

Chá-chêng Tâi-siong chin kan-khó͘
Ūi-tio̍h seng-oa̍h kiâⁿ hiám-lō͘
Cháu khì Tiong-kok kò͘ pak-tó͘
Tiòng tio̍h A-kiōng ê kè-bô͘
Pek kah in cháu-tâu-bô-lō͘
Hiō-hóe-bo̍k-ki̍p oàn tong-chho͘

Ín-iú Tâi-Siong ji̍p bê-tô͘
Iông-ún Tâi-pau khì chhōa-bó͘
Khai-hòng koan-kong lâi thàm-lō͘
Khip-siu kan-sè pháiⁿ khì-tô͘
Bû-só͘-put-chì ê pō͘-sò͘
Lóng-sī thóng-chiàn ê im-bô͘

Tâi-oân ê chiân-tô͘ Chú beh kò͘
Khún-kiû Siōng-chú lâi khòaⁿ-kò͘
ǹg-bāng Tiong-kok ê tô͘-bô͘
Chí-chhun saⁿ-jī thó͘-thó͘-thó͘
Lán ê chiân-kéng Chú kian-kò͘
Ióng-kám pháu-cháu lán ê lō͘

廣告/聖經充滿我-經文填充本

我有話要說