Chhiáⁿ an-chong Taigi Unicode jī-hêng, phòe-ha̍p Firefox Browser lâi tha̍k.
請安裝Taigi Unicode字形，配合Firefox瀏覽器來讀。
Má-khó（馬可福音書） 4章30-41節
Koh 講，上帝 ê 國咱 beh 怎樣來比並伊？ á 是用甚麼譬喻表明伊 ah？ 是親像一粒芥菜子掖落地，雖然比地上百項 ê 種子 khah 細粒，但是已經掖落去，就發生漸漸 khah 大 tī lóng 總 ê 菜蔬；koh 發出大 ê 枝，致到空中 ê 鳥 ōe 歇伊 ê 蔭下。─馬可福音 4:30-32
上帝國親像芥菜子
當時 ê 以色列人一般將上帝國想像做勇壯、代表權勢 kap 力量柏香樹（看以西結書17章）；但是，耶穌選擇用芥菜種來 pí-phēng 上帝國（上帝 ê 統治），芥菜是菜蔬，加加是三公尺高、通 hō͘ 一寡飛鳥歇睏 ê 灌木。畢竟，耶穌ê 彌賽亞王國 ê 特色是卑賤、平凡、溫和，上流人看 bōe 起，濟濟當時 ê 門徒 kap 現代基督徒也仝款對上帝國有錯誤 ê 想像 kap 理解。
佇耶穌 ê 這幾句話內面，「上帝 ê 統治」 m̄-sī （呣是）「強 koh 有力」 ê 象徵，也超越耶穌本身猶太民族對彌賽亞 ê 期待。但是，正正是「芥菜子一般 ê 上帝國」歡迎一切所有願意來寄腳 ê 人。顛倒，咱應該好好反省，追求大型教會以及「昌盛」 ê 牧長和信徒 kám-ū (敢有) khîⁿ-tiâu 耶穌 ê 「芥菜子」上帝國精神？
佇台灣，孫理蓮女士創辦 ê 基督教芥菜種會就真有耶穌佇本段經文中傳達 ê 上帝國精神，目標不是建立「偉大 ê 企業」，反轉是長期扶助國內、海外貧困弱勢兒童和少年人，設立安置機構、食物銀行，建立社區支持網絡，tì-ìm 所有願意來芥菜種 ê 人。
祈禱：上主啊，祢 ê 國度親像芥菜子，求祢 hō͘ 阮明白並體會其中 ê 奧秘。奉主耶穌基督 ê 名祈禱，阿們。
延伸閱讀：【少年新眼光台語版】
