(請安裝Taigi Unicode字形，配合Firefox瀏覽器來讀)
作者：陳俐雯
Chí-iàu chi̍t-kù ōe, lán ê koan-hē tō ē bô-kâng: Hó kap Bái ê bô-kâng
Chí-iàu liām-thâu choán, jîn-seng tō ē bô-siāng-khoán: Hó kap Bái ê bô-siāng
Chí-iàu ū soán-tek, kiat-kó tō ē bô-kâng: Hó kap Bái ê bô-kâng
Chí-iàu ū kái-piàn, chōng-thài tō ē bô-siāng-khoán: Hó kap Bái ê bô-siāng
Chí-iàu ū-pun-tiuⁿ, tit kap sit tō ē chhut-hiān: Hó Bái ê tit-tio̍h kap sit–khì
只要一句話，咱的關係就會無仝款：好佮䆀的無仝
只要念頭轉，人生就會無像款：好佮䆀的無像
只要有選擇，結果就會無仝：好佮䆀的無仝
只要有改變，狀態就會無像款：好佮䆀的無像
只要有分張，得佮失就會出現：好佮䆀的得–著佮失–去
Sè-kan it-chhè sī “Tiong-sèng–ê”
“Tiong-sèng” sī chi̍t-khoán tú-tú-á-hó, bô kòe-thâu ê súi
Tú-tú-á-hó ê pêng-hêng sī chhim-chàn ê thiat-ha̍k
Tú-tú-á-hó ê su-khó hō͘ lâng bē kek-ka
Tú-tú-á-hó ê hêng-ûi hō͘ lâng bē cháu-cheng
世間一切是「中性–的」
「中性」是一款抵抵仔好，無過頭的媠
抵抵仔好的平衡 是深層的哲學
抵抵仔好的思考 予人袂激膠
抵抵仔好的行為 予人袂走精
Che-sī hái-hái jîn-seng khoài-lo̍k ê io̍h-thiap
Sī lâng beh kiān-khong ê pì-hng
Bô ke mā bô kiám ê “Hoat” kóng chhut:
Tú-tú-á-hó ê jîn-seng sī tì-hūi ê thêng-hiān
“Tiong-sèng–ê” thiat-ha̍k sī sèⁿ-miā ê oân-boán
這是海海人生欲快樂的藥帖
是人欲健康的秘方
無加嘛無減的「法」講出：
抵抵仔好的人生是智慧的呈現
「中性–的」哲學是性命的圓滿
