Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎Iâu Chì-liông
龍年到 龍年到
二九暝 食飽後
龍年已經 佇門口
龍年 咧聽候
龍年到 好年到
無閣目屎 無閣哭
戰爭 洘旱 滾蛟龍
兔仔攏共 in chhōa 走
兔年過 龍年到
無閣大水 流過溝
龍年帶來 好吉兆
逐家食甲 老老老
龍年到 福氣到
福氣進入 咱埕斗
阿公阿媽 分紅包
予恁大漢 一定𠢕
龍年興旺 好兆頭
風調雨順 財滿斗
闔家平安 上重要
大恩典 來到咱兜
Liông-nî kàu Liông-nî kàu
Jī-káu mê chia̍h pá āu
Liông-nî í-keng tī mn̂g-kháu
Liông-nî leh thèng-hāu
Liông-nî kàu hó nî kàu
Bô koh ba̍k-sái bô koh khàu
Chiàn-cheng khó-hān kún-kau-lêng
Thò͘-á lóng kā in chhōa cháu
Thò͘-nî kòe liông-nî kàu
Bô koh tōa-chúi lâu kòe kau
Liông-nî tòa-lâi hó kiat-tiāu
Ta̍k-ke chia̍h kah lāu-lāu-lāu
Liông-nî kàu hok-khì kàu
Hok-khì chìn-ji̍p lán tiâⁿ-táu
A-kong a-má pun âng-pau
Hō͘ lín tōa-hàn it-tēng gâu
Liông-nî heng-ōng hó tiāu-thâu
Hong-tiâu-ú-sūn châi móa táu
Ha̍p-ka pêng-an siāng tiōng-iàu
Toā un-tián lâi kàu lán tau
