|
肺炎一日180 變206个 爆發甲 遐大下 隔日確診 333 面仔勼甲 變細个 擔仔 夜市仔 美食街 賰無 2、3格 無人客的 頭家 煩惱甲 頭鬃白 當流行 肺炎災厄 真緊 湠規街 喙罨 若放低 病毒 竄四界 無注意 染著病 請神明 叫上帝 拜託 來鬥相共咧 我知影 你會 天無情 抑是人作孽 律令 趕緊設 集會 有限制 室內5个 室外10个 真濟人 做伙 毋是飄撇 是違法neh 冠狀病毒 入侵 無分 大細 世界已經 毋是勢 物資 起大價 店頭 大路 冷清清 干焦貓仔 佇厝尾頂坐 |
Hì-iām cht-ji̍t 180 piàn 206 ê Po̍k-hoat kah hiah tōa ē Keh-ji̍t khak-chín 333 Bīn-á kiu kah piàn sè ê Tàⁿ-á iā-chhī-á bí-st-ke Chhun bô 2, 3 keh Bô lâng-kheh ê thâu-ke Hoân-ló kah thâu-chang pe̍h Tng liû-hêng hì-iām chai-eh Chin kín thoàⁿ kui ke Chhùi-am nā pàng kē Pēⁿ-to̍k chhoàn sì-kè Bô chù-ì jiám tio̍h pēⁿ Chhiáⁿ sîn-bêng kiò Siōng-tè Pài-thok lâi tàu saⁿ-kāng–leh Góa chai-iáⁿ lí ē Thiⁿ bô chêng ia̍h-sī lâng chok-gia̍t Lu̍t-lēng koáⁿ-kín siat Chp-hōe ū hān-chè Sek-lāi 5 ê sek-goā 10 ê Chin chē lâng chò-hóe M̄ sī phiau-phiat, sī ûi-hoat–neh Koan-chōng pēⁿ-to̍k ji̍p-chhim Bô hun tōa-sè Sè-kài í-keng m̄-sī sè Bu̍t-chu khí tōa kè Tiàm-thâu tōa lō͘ léng-chheng-chheng Kan-ta niau-á tī chhù-bóe-téng chē |
