我 ê 情批 Góa ê chêng-phoe

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

Chok-chiá: 鄭如絜

多情的秋風
To-chêng ê chhiu-hong
對門縫楔一片落葉
Ùi mn̂g-phāng seh 1 phìⁿ lo̍h-hio̍h
輕輕共抾起來
Khin-khin kā khioh–khí-lâi
偷偷䀐一下仔
Thau-thau siam chi̍t ē á
內底有欲探討的理路
Lāi-té ū beh thàm-thó ê lí-lō͘

立秋的風含涼意
Li̍p-chhiu ê hong kâm liâng-ì
內底有熟似的氣味
Lāi-té ū se̍k-sāi ê khì-bī
藏猶袂講出喙的情意
Chhàng iáu-bōe kóng chhut-chhùi ê chêng-ì

阮鼻著 看著 摸著
Goán phīⁿ–tio̍h, khòaⁿ–tio̍h, bong–tio̍h
恬恬無需要加話
Tiām-tiām bô su-iàu ke oē
攏囥佇心底
Lóng khǹg tī sim-té
愛,仝款綴風吹
Ài, kâng-khoán tòe hong chhoe
情,仝款放風吹
Chêng, kâng-khoán pàng-hong-chhoe
咱多情的四常
Lán to-chêng ê sù-siông
七娘媽攏知矣
Chhit-niû-má lóng chai ah

我有話要說