◎陳士彰
古早流行一首台灣囡仔歌，按呢寫：「一年悾悾，二年孫悟空，三年吐劍光，四年愛膨風，五年上帝公，六年閻羅王。」早前此首囡仔歌，對讀小學ê囡仔，t?學校ê表現，描繪了成妥當。
時代無仝款，我t?小學教冊，bat聽過按呢形容囡仔：低年級像「精牲」；中年級像「青番」；高年級像「土匪」。因為一二年聽無你leh講啥；三四年是教b?番車；五六年koh會和你???-???嚷。
當紅嬰仔tú出世ê時陣，親人朋友看著攏謳咾：「那會生了chiah古錐！」逐家相爭欲抱、欲耍。總是愈飼愈大漢，soah愈來愈顧人怨，親像俗語teh講：「三歲乖，四歲礙，五歲拖去 。」仝款。
古早kap現代ê家庭結構，有足大ê差別。頂一代ê父母，一睏著生chiâ? 10個。若是chit-m? ê尪仔某，串生攏1、2個，甚至也有貧惰生。
講著教育囝兒ê方式，現代kap古早嘛足無仝款。永過囡仔濟顧b?去，是大漢chho?細漢ê，一個顧一個，教kah成好勢，罕得聽講有 人放火ê。總是現代強調「疼ê教育」，父母對囝兒是寵kah那啥，毋甘罵，毋甘拍，反轉造成濟濟囡仔，毋知影分別好歹。
我有一對夫婦朋友，結婚欲10年，chiah生一個夢冬仔囝，寶貝kah那命leh。親人朋友k?苦勸，b?使寵囡仔，彼位媽媽koh會k?你g?n後khok。有一擺逐家鬥陣去公園耍，大人t?涼亭仔秋凊（chhio-chh?n），囡仔去騎自轉車。彼個夢冬仔囝唯（?i）遠遠騎過來，此位媽媽大聲拍噗仔：「足g?u！足g?u！」害囡仔soah跋跋倒。無拍算此個夢冬仔囝，行倚過來，手g?m拳頭母，對媽媽ê腹肚，出大力就k? cheng落去，眾人看著此齣戲，攏chhoah ti?。想b?到此位媽媽講：「無要緊！無要緊！媽媽k?你會失禮！」害逐家聽kah大喙開開。
我猶做囡仔ê時，差不多是1960 ê年代，學校老師教育學生，是非常嚴格，磕b?著就用藤條、箠仔枝h??你好看。T?學校h??老師修理，轉來厝koh愛h??父母電一擺。所以品行也b? b?i到tó位去，甚至大漢做歹囡仔ê，嘛是算少數。
當我做老師了後，社會流行所謂ê「疼ê教育」。規定老師對學生ê教育方式，b?使罵、b?使拍，甚至b?使罰khi?，講che攏是「暴力」。為著按呢，政府kap教育機關，訂了濟濟條例、法律，來限制老師ê教育方式。
學校有一位家長委員，也是民意代表。有一日，伊k?一位老師叫去校長室罰khi?。原來in囝t?前一日，因為無chah課本，h??老師罰khi?。另外一位老師，為著單純處理2個學生ê問題，隔日家長就來教室???-???嚷，恐嚇欲叫記者來，koh欲去法院告老師。嗐！到底che是甚物社會，那會造成此種現象？
聖經濟濟所在，記載教育囡仔ê方式，攏是用嚴嚴ê管教，親像箴言有按呢寫：「毋甘用箠ê是怨恨伊ê囝；若是疼伊ê，就照時責督伊。」（箴言13章24節）koh講：「柺仔kap責備會加添智慧；放出在伊ê囡仔，會h??伊ê老母見笑。」（箴言29章15節）所以若siu?過寵囝ê父母，t?愛有將來後悔ê心理準備。
