 ◎育?
連續t?《台灣教會公報》kap其他刊物，讀著思念女宣教師孫理蓮牧師娘ê文章，感觸時間過得有夠緊，若親像設立無久ê「基督教芥菜種會」連鞭60年，當濟濟人為「孫理蓮宣教師110歲感恩音樂紀念會」teh無閒ê時，我也進入回憶ê磅孔&hellip&hellip。
* * * * *
T?青年時，b?少pái聽著孫雅各牧師講道，阮會注神聽，是欲聽他輕輕ê台語口音：猶太人kap撒瑪利亞人無「旺梨」（往來）；彼得「咬死」（教示）人；「用驚」（勇健）ê人無「儉」（欠）醫生，若是破病ê就tio?h&hellip&hellip。孫牧師講ê道理真淺白，阮lóng聽有，只是外國人講台語，古錐koh趣味。孫牧師夫婦同心為著原住民（當時lóng講山地人）ê付出，真感動人。
會記得我頭一pái聽著Monkey&rsquos Mother是teh指孫牧師娘ê時，不止阿gông愕koh艱苦心，thái thang k?牧師娘稱做「猴母」？實在不恭不敬、無禮無數，敢m?知台灣話講著「猴」字，差不多無好話：猴囡仔（有人無口德，koh會加死字）、m?成猴、猴齊天，變猴báng／l?ng、著猴che、猴性、老猴&hellip&hellip，因為按呢，感覺若親像teh侮辱ê款式。
後來，漸漸了解孫牧師娘是一個信心大大、疼心滿滿、做人直直、講話實實、祈禱切切、辦事熱熱、思維敏敏、行動緊緊、身軀勇勇、心神洋洋、恩賜濟濟、付出濟濟ê婦仁人，看她用生命疼台灣，這個「猴母」ê稱呼，反轉是真溫暖親切ê尊稱，莫怪濟濟人愛做「猴仔囝」，隨她四界傳福音。
孫牧師娘真愛彈手風琴，人無高，卻用大型ê樂器，看起來親像giâ枷，m?-koh彈起來雙手敏捷親像跳舞，姿勢優美，琴聲響亮，好聽無比。她一曲過一曲彈，阮一首過一首唱；她b?厭，阮m? b?倦。無久，就一陣人圍倚來欲看a-tok-á表演。她為主拚命ê精神，實在h??人足感心。阮會曉將野外佈道kap野外主日學看做是重要ê事工，lóng是對她ê引導。感謝孫牧師娘，h??阮ê青年時期過了真有意義koh喜樂，留下真美好ê回憶。
孫牧師娘bat講：「無人叫我著做hiah-nih濟工，tio?h hiah-nih無閒；我若無做，m?無人會講話。是上帝ê疼，h??我tio?h疼ê人真濟，tio?h做ê代誌也有夠濟&hellip&hellip。」Chiah-ê話的確有影響b?少人，歡喜跟隨她來為主做聖工。
永遠懷念她──孫理蓮宣教師。
