 ◎蕭福道
湖邊蘆竹編藍成舟
序大號名chiâ?獻身因由
絕症纏絆信來持守
有所交託m?知啥叫憂愁
舊年（2010）到t?彰化參加總會議長盃乒乓比賽，感覺咱鄭葦舟牧師無論精神、球技lóng比前khah好，採訪過程h??我驚一tiô，竟然t?伊ê身軀頂tài 2個癌症ê症頭──膀胱kap胃。當發現了後，牧師娘當然緊張、煩惱，鄭牧師安慰鼓勵：「咱用信心贏過，上帝會用上好ê h??咱。」阿們！聖神第10粒果子──交託。
「嘴講khah快，tú著才實在；
窒礙好膽做你來，全然交託無koà-ng?i。
Khi?-ch?i t?信，苦難chiâ?變相祝福；
安然當頭對面，承接超越喜樂。」
俗語有講：「福無雙至，禍不單行。」2002年，鄭牧師因為血尿chiah發覺初期膀胱癌，ta?k禮拜接受治療（頭尾半冬）。2003年，發現2蕊目睭白內障，換人工水晶球，伊見證講：「原底老花、近視、亂視、遠視ê毛病，掛三合一ê目鏡，結果手術了後目鏡lóng提掉，顛倒倒t?g去少年ê時ch?n ê視力，感謝主。」2005年，有一工感覺ek chhiah酸，檢查結果是胃癌，手術切除2/3（大腸頭、幽門lóng切掉，胃直接接對腸仔），住院半個月，前後療養半冬，體重減8公斤，伊顛倒感覺精神上加足好勢。為tio?h增加抵抗力，鄭牧師koh khah注重運動，ta?k工泅水，三不五時騎鐵馬、拍乒乓。講到chia，欲苦勸為牧會無閒chh?-chh? ê牧者同工，服事ê工無推辭是咱ê使命，不過基本條件是tio?h有勇壯ê「重重價錢買來聖神ê殿」ê身軀啊！（哥林多前書6章19～20節）
做葦舟牧師ê老父，鄭君芳牧師感覺大囝應該獻h??上帝，老父為囝號名「葦舟」是因為摩西ê故事，摩西ê老母用蘆竹編做籃仔h??摩西倒t?內底，路尾保全伊ê生命入去到埃及王宮，表示chit個囡仔?-tàng成做為主做工ê工具。牧會ê待遇m?是kài好，總是猶原栽培葦舟順利讀到大學，畢業了後派駐基隆ê學校擔任老師ê職務，葦舟t?教會m?盡心服事，身軀邊多多人感覺chit個青年真適合行獻身ê路。
Tú tn?g基隆教會張文德長老t?「讀經會」服事，感覺家己一個人做b?去，需要一個幹事協助推展事工，就向葦舟ê老父提起：「T?學校教冊多多人?-tàng，總是chit個囡仔自細漢我看大漢，感覺伊上適合chit個服事。」為tio?h按呢，葦舟結束2冬教學ê生活，就開始全時間t?「讀經會」ê服事，南北二路、西岸後山全國行透透，跨越長老會以及其他教派。除了鼓舞人讀聖經，也著khi?講臺。服事年半久，t?這過程愈感覺家己對聖經ê知bat有不足，就進一步到t?神學院接受造就。  
1974年，畢業受派新竹西大路佈道所（chit-má改做啟信教會）。牧師娘t?北大事務所服事（設t?台北總會事務所），囡仔tio?h寄人chho?，平常時一家口仔分散t? 3個所在。所以吳永華牧師就介紹伊去台北中央教會。中央教會khi? t?北一女附近，外交部後壁面ê機關用地，會友無toà hia，所以探訪必須要走到t?北投、三重埔、淡水、新莊、天母；牧會ê心適、刺激就是t? chia。因為教會ê所在劃做中央圖書館，後來就soá到t?羅斯福路一棟大樓，全台北上高ê禮拜堂（11樓）。
1980年到t?新竹教會，重新起禮拜堂，也協助泰雅爾中會桃山教會，提供in禮拜下晡或者是暗時ê聚會場所。後來桃山教會家己t?科學園區起禮拜堂。13冬後，因為有建堂ê經驗，受桃園教會邀請協助建堂kap牧會6冬久。當時總會有通過牧會25冬?-tàng退休，鄭牧師心有按算，總是才55歲n?-ti??，厝裡ê人無真贊成，就折衷去一間khah細間ê教會，應該iáu ?-tàng koh服事10冬，路尾選擇墩仔腳（2000年），一直到ta?。鄭牧師自畢業除4冬半t?北中中央教會，30外冬t?竹中牧會。 
鄭牧師家族獻身ê有外公汪培英牧師、老父鄭君芳牧師、叔公鄭蒼國牧師、姊夫穆榮章牧師、小弟鄭青萍牧師（竹中後龍）。牧師娘陳桂卿t?基隆出世大漢，學生時代（初三）來教會讀冊、信主，頭一代基督徒。 
