 ◎孟寶
記持中tú結婚ê時，老爸t? bat對阮講：「尪仔某是相欠債，結婚了後tio?h愛互相吞忍。」結婚後，阮將老爸ê教示記在心內，所以hit個家koh會得過。不二過，人是食五穀雜糧ê，若去h??亂七八糟ê雜事pì? kah東倒西歪，無法度自我調適，t?定定會情緒失控。當風火頭ê時，氣話有當陣m?是會無張持t?講出來。「我是頂世人欠你ê oh！若無，是按怎lóng我leh做？為恁兜做kah流汗，soah h??恁嫌kah流瀾（no?）？」忿怒ê回應t?親像安呢。
事後想想leh，阮某ê話並無m?對，自從伊嫁來阮兜，確實是為著這個家完全付出，做kah大粒汗、小粒汗，真少得到謳咾kap感激。不二過，講「相欠債」hit款話，猶是h??人心誠不安，kám是teh講：假使債若還了，倆人t?會當一人行一路leh？一世人lóng還b?了ê人情債，是m?是永遠t?陷t?還債ê深淵內面呢？
T?咱chit代ê人，定定m? hông灌輸「父母子女相欠債」，或是「尪仔某相欠債」ê觀念。年久月深，受這款相欠債ê觀念影響，產生「債主」kap「債權人」ê關係，彼此之間自然t? b?-thang好，逐家lóng揹（ph?i?）債揹kah誠艱苦。
「相欠債」ê觀念實在是誠負面、誠無積極，假使咱若會當將這款負債ê減法觀念，改變作互相報恩ê加法觀念，豈m?是真好？哲學家蘇格拉底講：「每一個人lóng是別人ê天使，父母是子女ê天使；子女m?是父母ê天使。」此句話soah h??阮一寡心內結lóng tháu開ah！既然雙方是彼此ê天使，彼此報恩當然是天公地道ê代誌。假使n? mài講「尪仔某是相欠債」，或是「父仔囝是相欠債」，反轉來講「尪仔某是相報恩」kap「父仔囝是相報恩」，kám m?是加真積極、真正面leh？
既然知影互相是欲來報恩ê，當然心內底t?定定會有感激ê心，對待對方ê心態kap態度t?會無仝款，自然t?會誠好禮，開喙合喙lóng講好話。對另外一個角度來看，講彼此是一世人相欠債，t?親像債永遠lóng還b?了，實在誠痛苦！
觀念改變，原來t? t?一念之間。好ê觀念是加法、是正數，歹ê觀念是減法、是負數，人生是好是歹，由在咱來選擇；所以，阮chit-má m?-n? k?父母當作恩情人來看待，m? k?阮某、阮囝lóng當作恩情人，逐家互相報恩。抑n?恁呢？恁kám有kap阮仝款ê想法kap觀念？ 
