◎洪育庭
只要感覺上媠ê所在，就是上媠ê風景。譬如：去合歡山看落雪ê風景，去安平看日頭落海，和厝內底ê人看風景……這攏是上媠ê風景。
我感覺上媠ê風景是附近博物館ê空地，有一片菅芒花真媠，每一日早起時，天猶未光，有人騎鐵馬運動，有人散步。附近有一間阿媽家自己縛ê粽，足好食，料實在、滋味讚，阿媽ê店嘛是上媠ê風景喔！
合歡山落雪ê風景，安平ê日頭落海，和厝ê空地，阿媽ê粽，攏囥我ê心內，以後毋管有啥物困難，我攏會記得愛勇敢面對。
風景會影響我ê心，風景媠，心情好，想代誌做代誌就會順利。我相簿內底，有去chhit-thô ê 相片，心情無好ê時，看看leh就歡喜，阿母攏講台灣是世界上媠ê風景。（指導老師／蘇晏德）
