台文

免煩惱。主耶穌講：我的恩典夠額你用。願上帝祝福你。 Bián hoân-ló. Chú Iâ-so͘ kóng: Góa ê un-tián kàu-gia̍h lí ēng. Goān Siōng-tè chiok-hok lí.

多情的秋風 To-chêng ê chhiu-hong 對門縫楔一片落葉 Ùi mn̂g-phāng seh 1 phìⁿ lo̍h-hio̍h

2020年11月初4，成功大學台文系邀請陳正雄老師來專題分享，伊是真出色ê現代文學家，一開始先踏話頭，講起佇伊少年時，受著「美麗島事件」和「台灣鄉土文學論戰」ê影響，對台灣ê鄉土文學有興趣，開始看一寡文學家ê作品，發覺用家己ê母語來記錄內心ê情感，是一件真要緊ê代誌，所以開始gia̍h筆創作，自按呢行ùi台語文學這條路。

Bô-ì-tiong, góa kak-chhat tio̍h lâng jio̍k-thé ê ba̍k-chiu khòaⁿ bē tio̍h ê chin-si̍t sè-kài. Sim-chêng chò chi̍t-ē khin-sang. Thàu-chá peh--khí-lâi chham-ka chit-tiûⁿ pâi-ián ū tit-tio̍h liāu-sióng bē kàu ê kè-ta̍t.

向望50冬後，咱 koh ē-tàng聽著濟濟人祈禱講：「……Án-ni祈禱，lóng是奉靠主耶穌基督ê聖名求。A-men。」

福伯看tio̍h我真歡喜，大聲喝講：「緊入來坐。我講一個趣味ê代誌hō͘你聽。」我坐好勢伊tio̍h講，咱台灣有一句俗語話：「法律千萬條，beh用家己chhiâu（Hoat-lu̍t chhian-bān tiâu, beh ēng ka-kī chhiâu.）」你敢bat聽過？我應講：「He是30幾年前ê代誌，台灣猶tī戒嚴時期ê白色恐怖統治，無奈ê人民上愛、上流行提這句台灣俗語話來 keng-thé（供體）當時ê司法官。我已經真久無聽人講ah，你那會忽然間想起這句俗語話？」

這本《橋頭教會設教七十週年感恩紀念冊》2021年9月25日完成，咱tio̍h感謝、呵咾上帝，因為祂ê名是應該受尊崇 ê。Tio̍h 感謝歷任牧者 kap 信仰前輩；猶 tio̍h 感謝陳惠明牧師 kap 許淑貞牧師娘 ê 指導 kap 對稿。感謝小會、長執會、各團契 kap 小組鬥相仝，閣有社區單位 ê 鬥跤手，眾兄姊 ê 協助。願上帝 ê 慈愛 kap 恩典時刻祝福逐家，賞賜平安喜樂直到萬世；願主耶穌基督 ê 名受稱讚，拯救 ê 福音得著傳揚。

古早味 何語晴（五年級） 廟口有賣擔仔麵 是台灣ê古早味 舊街有麻糬 庄跤ē-tàng炕蕃薯 有歷史悠久ê三合院 倚海有好食ê魚羹 台灣人古早ê料理 就是我上愛ê台灣味

Pē-bú chin iōng sim kàu-tō, goán-tau toā-toā sè-sè lóng ē-hiáu tha̍k Pe̍h-ōe-jī（POJ） Sèng-si kap Sèng-keng, tī put-ti put-kak sóa kiâⁿ ji̍p sêng-jîn Lô-má-jī （LMJ）kàu-ha̍k, che chin-chiàⁿ sī ì-goā ê lí-thêng. Góa tī Hōng-soaⁿ siā-khu tāi-ha̍k, tī Su-tāi ū khui “Tâi-gí-bûn” kap “Bó-gí Kiám-tēng” khò-thêng, ha̍k-oân thâu chi̍t pái khoàⁿ tio̍h LMJ, ū lâng kám-kak chin kán-tan, chin kín tō lia̍h tio̍h mê-kak, sió-khoá-á kó͘-lē tō ē-hiáu siá ka-kī keng-le̍k kòe ê tāi-chì kap kò͘-sū, nā tâu-kó piàn chò ìn-soat-phín khan chhut, in chin-chiàⁿ hoaⁿ-hí kah bē-kò͘--tit. POJ chhoā tāi-ke chìn-ji̍p Tâi-bûn sè-kài, ū chin chē hāng-bo̍k thang gián-tho̍k, chhin-chhiūⁿ tàu-kù, ah-ūn, chhit-jī-á, koa-á-tiāu, sio̍k-gān-gí, “Tâi-oân Hú-siâ Kàu-hōe-pò” （“Tâi-oân Kàu-hōe Kong-pò” ） ê si-sû, kì-sū, hō͘ lán thang liáu-kái tong-sî ê siā-hōe ián-piàn.

我發現綠色是世間生物 ê 共通色，是人類生存 ê 倚靠，世間見若是人攏只有靠綠來生存。當初上帝佇伊甸樂園，就交代咱人類著好好「保存照顧」這个土地（創世記2章15節），但是人一直踳踏、加毒、破壞咱跤底 ê 這塊土地。真濟宗教人極加強調「社會正義」，講按呢表示 in 有遵照上帝ê教示；chóng--sī上帝 ê 教示猶有另外一爿叫做「自然正義」，咱若是無疼惜跤底這塊土地，若是想講趁錢會當彌補對自然ê破壞，就是犯罪，是犯真重 ê 罪，有一日上帝一定會給咱刑罰，因為自然袂 koh 轉來。有錢人欲擔當 ê 罪 kap 刑罰愈重，因為 in 愈有錢，愈無行動。