台文

 ◎李南衡   《廣辭苑》對「運動」有真濟種ê解說，其中有一種是：「為達到某種目的所做的活動。舉『選舉運動』作例。」對日本人來講，「運動」用作chit-ê意思m?是明治維新以後才有ê，像講：勞工運動、學生運動、婦女運動等等。日本殖民統治台灣時期，上晏（oà?）傳來ê是選舉運動。 日本殖民統治台灣時期，台灣人受高等教育的愈來愈濟了後，t?台灣總督府絕對權威ê殖民統治下面，希望人民應該kah日本內地仝款m?有議會來制衡行政權，ùi 1921年開始，台灣社會精英每年都向日本帝國議會提出設置台灣議會ê請願，舞14年久，m? -n?無愛插你，khah過分ê是t? 1923年第3次請願了，12月16全台灣大掠人講是違反「治安警察法」，造成有名ê「治警事件」。 1935年10月初1台灣總督府才公布實施「改正台灣地方自治」，通過以州議會、市議會作決議機構，議員半數由官方指定、半數由限制選舉選出，11月22，台灣有史以來頭一遍投票選舉、m?是日治時代唯一ê一遍選舉。咱講限制選舉意思是講有條件ê民主選舉：會tàng獨立生活、年滿25歲以上的男子、有納5箍以上戶稅的人才有資格作選舉人；koh無完全反映民意，上明顯ê例是台中市，台灣人kah日本人ê人口比率是5比1，但是有選舉權ê日本人有2000人、顛倒比台灣人1800人khah濟；koh有一個特色是t?選票頂面由選舉人寫被選人ê姓名，人名會認得tio?h算有效票。雖然日本政府宣傳講投票率97葩，事實上，有權投票ê選民，台灣人選民18萬6299人佔台灣人總人口約3.9葩，日本人3萬9627人佔日本人總人口約15葩，b?使算是真正ê民主選舉！ 雖然是按呢，m?-n?每一個候選人認真發表政見競選，koh有名家出來替in助選演講，而且有真濟無名助選員拍拚替in giú票，無論是有名無名ê選舉助選員，日治時代攏叫作「選舉運動員」。有ê候選人當選議員了後，kah原本hit-ê人那像是完全無仝，有ê候選人當選議員了後雖然無啥變，總是伊作伊ê議員，kah拚生拚死hiah-ê運動員一點仔關係都無，甚至見tio?h面m?準作m? -bat你。按呢hiah-ê運動員tio?h怨歎講：「第一戇，選舉運動。」（T? it g?ng, soán-kí ?n-t?ng.） 戰後，中國國民黨政府統治台灣了後，差不多逐年都有選舉。選舉往往是扛轎ê比坐轎êkhah拍拚，扛轎扛了才來怨言吐氣。老一輩ê看了有可能會k?少年ê講：「你無聽俗語話講：第一戇，選舉運動！」少年人有可能會應講：「阮攏是teh助選，那有人teh選舉運動？」漸漸，「第一戇，選舉運動。」chit句俗語話會變作無人講，準有人講，少年人m?聽無。  

◎ 李南衡   西洋有一句俗語話講：「T? 6月結婚──新郎幸福、新娘快樂。」（Marry in June&mdashGood to the man and happy to the maid.）因為英文6月（June）chit字是ùi羅馬神話中ê Juno轉化來ê，Juno是天王Jupiter ê牽手、是天后，伊是婚姻kah家庭ê保護神，掌管女性、婚姻kah母親ê命運，伊生得súi、溫柔koh慈愛。所以西洋風俗認為6月是上適合結婚ê季節，6月新娘（June bride）會得tio?h幸福kah上濟ê 祝福，是上快樂ê新娘。 但是t?台灣6月那會chiah無人緣、顧人怨，講啥物「六月半年某」（la?k goe?h poà?-nî bó?）咧？咱台灣ê地理位置t?亞熱帶，台灣人一般teh講ê6月是講舊曆，咱人6月（新曆7月）相當熱，平均氣溫攝氏29、30度，若無落一下仔西北雨，實在是會熱死人。 早前新娘嫁出攏是坐轎，轎邊雖然有一個小窗仔，但是新娘t?路裡根本b?使偷掀窗仔簾h??空氣小可流通、抑是偷看外面。嫁仝庄頭猶好，若嫁去外庄，轎一下坐tio?h 3、5點鐘，hip了無死m? chhun無半條命。轎坐久m?會到，新娘才拄喘一下大氣，啥知落轎了是另外一個苦難ê開始。早前台灣ê建築大部分是土角厝，窗仔細細，空氣流通無真好。上可憐ê是新娘衫tio?h穿tiâu-tiâu。M知偌濟新娘入門tio?h直beh無命，果然無錯，免半年就一命嗚呼，6月結婚有影是chh?a tio?h半年某。 舊曆7月（新曆8月），台灣平均氣溫kah 6月差不多，7月新娘ê命運kah...

 ◎李南衡   2?個性脾氣、家庭背景、所受ê教育、生活經驗，甚至有可能大部分攏完全無siâng款ê人，對結婚了後，tio?h每工做伙生活，有ê同時tio?h面對一陣大大細細新ê親人，講有偌呢困難tio?h有偌呢困難。那像欲鬥好一副假嘴齒，tio?h需要真久ê時間「磨合」，chit中間可能有無真合ê所在。Mài講新烘爐新茶壼，咱看ùi出世1冬後t?做伙到老ê嘴齒kah嘴舌，會使講上蓋親密，m?會無注意就咬tio?h。何況原本完全生疏抑是半生疏ê2?人，小可意見無合、抑是有一方堅持家己ê看法，真有可能就應嘴應鼻(或是講「應嘴應舌」），發生爭執、甚至冤家相拍。所以咱台灣才會有「無冤無家，不成夫妻。」（bô oan-bô-ke, put sêng hu-chhe）chit句俗語話。 20幾年前，嶺月女士有翻譯1本日本冊《天下沒有不吵架的夫妻》，我k?講：Chit本冊冊名無正確，照我所知，有真濟翁某一生m? -bat冤家相拍。伊笑笑仔講：「那有可能？」我應講：「阮翁某tio?h m? -bat冤家。」伊講：「有影？那會chiah好？恁結婚幾年ah？」我應講15年。伊笑講：「猶未咧lah，翁某是一世人ê代誌，後壁猶足長ê路愛行neh！」講m?有影，害我煞恬去。 讀東海大學ê時陣，學校來1位英國退休教授Dr. William Buell kah先生娘。東海ê傳統是教授會邀請學生去in厝飲茶、食in家己做ê西式點心。講話中，我問先生娘：「是按怎不管時妳攏笑頭笑面，看恁翁某足相好，h??人誠欣羡。不過敢會使請教恁1?問題，恁結婚到ta?敢m? -bat冤家？」教授笑講：「惜都b?赴ah，那有時間冤家？」先生娘接落去講：「我kah Dr. Buell結婚50年，猶m? -bat看tio?h伊受氣。」那像2000外年前劉邦看tio?h秦始皇出巡，講：「大丈夫tio?h應該按呢！」我當時無講出嘴，一直匟t?心肝底：若結婚一定beh親像Dr. Buell按呢！結婚15年hit陣有khah早，ta?已經結婚40年會使講出聲，mài講m? -bat對阮某發脾氣、大細聲，事實上，m? -bat h??伊受氣抑是傷心，一遍都m? -bat！ Dr. Buell講：「惜都b?赴ah，那有時間冤家？」一點仔都無m? -tio?h，幸福ê翁某有可能做伙生活7、80年，一般ê情形是有一旁khah代先無去。咱若攏k?算作50年「金婚」，chit中間有可能一旁有身苦病疼，有可能出差出國、上班，2?真有可能無仝位，有可能結婚生子了，為tio?h孝敬大家官、教養細子，做某ê離開職場tiàm t?厝裡，翁某一工做伙ê時間無幾點鐘，有影惜都b?赴。我所熟似ê親人朋友，有真濟翁某溫柔對待、相親相愛。Chit款家庭愈來愈濟，作子女ê有樣會看樣。期待有一工，若有人講「無冤無家，不成夫妻。」chit句台灣俗語話ê時，煞會h??真濟人聽kah花屑屑（hoe-sap-sap），問講chit句話是啥意思？

◎李南衡  有ê父母叫子女去做啥代誌，叫歸晡叫b?行，抑是看子女做了無真合意（kah-ì），會受氣講：「叫豬叫狗，不如家己走。」（Kiò ti kiò kháu, put jû ka-k? cháu.）有人講作：「叫豬叫狗，m? 值tio?h家己走。」（Kiò ti kiò kháu, m? ta?t-tio?h ka-k? cháu.）你若k?勸講：「你我m? m? 是生出來t?逐項會，咱作序大ê tio?h愛khah有耐心k?教，序細若無教beh那會曉咧？」所以chit句俗語話有時會講作：「教豬教狗，不如家己走。」伊聽了真有可能無歡喜，會應講：「教kah伊識，我嘴鬚好拍結。」（Kà kah i bat, goá chhùi-chhiu...

 ◎李南衡 Chit句台灣俗語話所講ê豬公，是特別指迎鬧熱ê豬公。台灣雖然是一粒小島，但是各地迎鬧熱ê時間、所拜ê神差別真大。除了各所在幾年一擺超級大型ê「作醮」以外，每年例行ê像台南ê迎媽祖、東港ê迎王爺，t?南部攏真有名；阮北部人印象上深ê，是舊曆5月13 ê台北大稻埕迎城隍kah舊曆4月25 ê三重埔大拜拜，其實是拜二重埔先嗇宮（俗稱五穀王廟）ê神農大帝。 1950年代中葉，我ùi桃園來台北讀冊，仝班有幾位同學住三重埔，好意邀請同學去h?? in請。當時ê台北大橋猶是日治時代起造ê兩線路，雙旁邊仔是一來一往ê人行道。見若三重埔迎鬧熱，橋頂ê人挨挨陣陣，所有ê車輛一律禁止通行。致使hit當時才會講：「4月25愛hông請，無車thang坐愛用行。」原本10外分鐘行會過ê台北橋，差不多tio?h行beh成點鐘，行過橋了後m?是寸步難行。到同學ê厝，免等、坐落就食，菜一齣一齣出來，食無3、4齣，內行ê同學叫逐個起來去k?甲同學ê父母說謝，講：「真歹勢，阮tio?h koh去乙同學in兜。」去到乙同學in厝，一桌已經有3、4個人客teh食，阮3個同學坐落t?作夥食，食無3齣，猶koh tio?h起行。He是我第一遍見識tio?h「竹篙桌」（華語叫作「流水席」）。 我作囡仔ê時，庄腳親成（chhin-chiâ?）迎鬧熱，攏是toè父母去，攏是坐落去ùi頭食到尾，因為庄腳人大家口、頭嘴濟，鬧熱時á真濟人豬公，食飽tio?h koh h??阮chah一liau豬公肉轉去，會tàng作幾若工ê便當菜。雖然teh食ê中間有人食食leh先走，有人路尾來ê坐落tio?h食，當時阮作囡仔人並無特別感覺是teh食竹篙桌。 無論食人ê喜酒、囡仔滿月，抑是老大人作大生日，總是加減tio?h包紅包抑是送禮物。干單人迎鬧熱豬公去hông請，免包紅包m?免送禮。但是有人查某囝hông送訂，送大餅來，到時tio?h包紅包抑是送禮物k?伊添粧。聽講早前台南市送大餅一大盒6塊tio?h幾斤、攏總tio?h幾百斤；早前t?台北一般是送一塊大餅，像講淡水三協成餅舖ê訂婚大餅實在好食，莫怪誠出名！ 永過台灣人講：「豬公無相請，嫁查某囝貺大餅。」（thâi ti-kong bô sio-chhiá?, kè cha-bó? kiá? h?ng to?-piá?.）台灣人好歹事送h??人ê食物叫作「貺」（h?ng），chit句台灣俗語話ê意思是講，親像鬧熱時á豬公請人客免包禮ê時無beh相請，嫁查某囝貺大餅h??人、明明是teh kâng討紅包添粧才假好意貺人大餅。延伸ê意思是講，一個人算盤掛t?頷頸仔、傷過gâu算，beh phi?人、m? hông phi?。 講豬公，大部分台灣ê少年人m?知意思；講送大餅，嘛有真濟台灣ê少年人聽無。解說歸晡，可能應講：「阮食ê攏m?是西洋式盒仔裝ê細塊餅，那有啥大餅？」

◎李南衡 咱基督徒無論tang時拄tio?h人，攏是用「平安！」來相借問，早前ê台灣人相借問是講：「食飽未？」那像有食飯、食有飽是上要緊ê代誌；過年時，無管人ê職業kah職位，m?無管人有買彩券抑無，攏是講：「恭喜發財大趁錢！」 講tio?h錢，h??我想起一句那teh褪色ê台灣俗語話：「台灣錢淹腳目」（Tâi-oân chî? im kha-ba?k）。 有一遍我問一位學長：「俗語話講『台灣錢淹腳目』，你大我幾歲，你敢有h??台灣錢淹tio?h腳目ê經驗？」他應講m?-bat。但是伊講：大學畢業無幾年想beh娶某，hit-ch?n雖然是1960年代，但是台北市ê厝，食頭路人m?是買b?起、m? m?敢想，就走（cháu）去台北市近郊chho?。有一工t?蘆洲一下問，厝價有影俗真濟。看一間二樓厝不止合意，煞忽然間想起聽人講蘆洲gâu淹水，問厝主，咱chia敢會淹水？會啊！淹偌懸？差不多到chia，厝主話那講手那比腳目仔。「奇怪，人講蘆洲真gâu淹水，那會淹到腳目仔ni?-ni?？」厝主應講：「是2樓。」阮學長所知ê是有住2樓厝ê人h??水淹到腳目，可惜猶m?-bat聽過啥人bat h??台灣錢淹tio?h腳目。 清國時代海禁，福建廣東沿海歹過日ê人，明知「六死三留一回頭」（過台灣海峽烏水溝，10個人有6個死t?半途，3個留t?台灣，1個看m?是勢翻頭轉去唐山），koh b?使帶家眷，m?是有真濟人冒險beh來台灣討趁。日治時代真少，戰後無偌久戒嚴了，根本無可能渡海來台灣。一直到1980年代開放老兵回鄉探親以後，中國偷渡來台灣ê人才愈來愈濟，上濟ê一年是1993年有6000個中國偷渡犯，濟到tio?h t?宜蘭、新竹各所在起專門收容偷渡犯ê「靖廬」。我相信幾百年來，唐山一寡人攏bat聽過「台灣錢淹腳目」chit句俗語話，才會拚死m?直直beh渡海過台灣，真可惜，無人k? in講hit句俗語話是風聲lah！ 1980年代中國開放以後，世界各國ê錢相爭溢入去，k?中國投資kah變作世界工廠。早前台灣外?管真嚴，真濟生理人利用三角貿易k?錢囥t?外國，中國開放了後，hiah-ê人就將儉t?外國ê錢?去中國投資，台灣漸漸放鬆了後，大大方方?去中國ê錢，koh khah是年年增加。 2008年馬英九執政以後，全面開放投資中國上限，一年增加1170億，到2009年第一季，?去中國ê錢攏總有1兆12億。Che猶無算投資t?世界其他國家地區ê錢，致使台灣離「台灣錢淹腳目」ê可能愈來愈遠。另一方面，台灣政府負債無制限，馬政府上台3年舉債1.26兆，每一個台灣人負債100萬。聽蔡英文講伊若當選，決定beh一年一年減少政府負債。若無，日後m?-n?無人知影啥物「台灣錢淹腳目」，恐驚新ê俗語話是「台灣債淹頷頸」。

 ◎李南衡 早前無時鐘、無時表仔ê時代，才拍昲（phú）光，咱ê先民就起床食飯準備做穡；日頭落山黃昏暗，才知影收工。熱天時日頭khah長，寒天時日頭khah短，春分秋分暝日對分，in m̄攏真清楚。好天時無問題，看日頭拄拄tī頭殼頂，知影tio?h歇睏食晝。問題是烏陰天無出日ê時，定定m̄做到過晝猶m̄知thang歇晝；所以，才會有「無日m̄知晝」(bô ji?t m̄-chai tàu) chit句台灣俗語話。 今年6月，阮翁某去北歐旅遊。有一工，雖然半暝12點以前趕到北角，可惜hit暗雲傷厚，soah無機會欣賞tio?h日頭無落海、一直tī海平線橫咧行ê光景。總是阮tī北歐10外工，每暗都是光tam-tam，日頭攏無beh落山抑是落海。導遊教阮tio?h kā kh?-tián放落來，若無，日頭不管時m̄掛tī天頂，光映映，你歸暝攏免睏。我kā阮某講：「無日m̄知晝」chit句台灣俗語話會使改作「有日m̄知暗」。阮某應我，是m̄是應該講：「無放kh?-tián落來m̄知暗」才tio?h？ 聽講早前咱台灣人50歲生日過了才會使留嘴鬚，那像有影。我看阮內外公kah阿太（別所在ê人稱呼作查某祖、查埔祖，阮故鄉有小可無仝，阿公阿嬤ê老母阮稱作「阿祖」，阿公阿嬤ê老父阮稱作「阿太」）ê遺像攏有留嘴鬚。我bat問阮老父，阿公、阿太畫像ê時差不多是幾歲？看起來並無啥老款。阮老父講，hit當時ê人差不多50外就會倩（chhià?）人來畫像留起來匟（kh?g）。 現代台灣人，有人2、30歲就留嘴鬚，有ê是留派頭、留爽ê，有ê是少年得志，早早就坐大位，驚年紀比伊khah大ê部屬認定伊是囡仔phí、看伊無，留嘴鬚會使激一個p?n。顛倒是5、60歲ê人愈老穿插愈少年氣，應該留嘴鬚ê年齡，soah剃kah愈清氣、剃kah寸草不留，m̄知是無愛hông看出伊幾歲，抑是想講「無鬚m̄知老」，mài留嘴鬚就會m̄知家己老？ 若照2008年5月17號《台灣醒報》ê報導，台灣人平均壽命頭一遍突破78歲，其中男性是75.1歲、女性是81.9歲，總平均是78.25歲。kah世界其他國家比起來，台灣人平均壽命已經排tī已開發國家ê頭前ah，5、60歲ê查埔人那好勢留嘴鬚準作老人咧！2010年khah新ê資料講台灣人平均壽命已經到78.97歲，台灣人那像愈活愈長命，m̄顛倒愈來愈少人留嘴鬚。 有一工，kā少年人講「無日m̄知晝」，in真有可能m̄知你teh講啥，解說h??聽，伊可能會問講：「那會無愛掛表仔？」有一工，kā少年人講「無鬚m̄知老」，in m̄真有可能m̄知你teh講啥，解說h??聽，伊有可能問講：「你敢有看tio?h tó一個老人留嘴鬚？無。因為無一個老人想講伊是老人lah！」  

 ◎李南衡   中國古早人「十年寒窗」拍拚讀冊，就是beh求功名，一關一關考過，最後上京考較及格，才有可能得tio?h一官半職。考試及第ê前幾名，攏tio?h拜主考官作老師。有一位新科進士去拜師，老師教伊作官ê道理：「一年清，兩年濁，三年烏sô-sô。」新科進士聽了面帶憂愁。老師安慰伊講：「你m?免為tio?h官場chiah烏暗來傷心。因為逐個烏，所以才有『作官清廉，食飯攪鹽』（chò koa? chheng -liâm, chia?h pn?g kiáu-iâm）chit句俗語話。」新科進士應講：「我傷心ê是tio?h等3年hiah久？」Che m?是講笑，你看敢有作官ê第1年tio?h無清，貪污hông掠去關！大概真少。 中國5000年歷史，那像是一部貪污史，官員貪污khah濟貓毛，半暝來送錢ê人講無人知，多數官員無像2000年前hit-ê楊震講：「天知，地知，我知，你知。」中國歷史上貪官滿滿是，上大ê貪官聽講是清朝乾隆時代ê和珅，伊t?乾隆15年（1750）出世，22歲開始作官，一直到30歲開始貪污進前攏真清廉。一下貪soah愈貪愈有趣味，愈貪胃口愈大。等乾隆帝死了第5工，嘉慶帝下旨k?伊革職關落監。抄家發現白銀有3000萬兩、土地有千外萬頃、房產數百間。伊所貪ê鬥鬥起來攏總有白銀8億兩至11億兩ê價值。講chit-ê數字那像無啥概念，咱知清國乾隆時代歲收是7000萬兩，伊貪污ê錢等於全國10外年ê歲收。按呢有濟無？ 無久進前中國高鐵t?溫州兩台列車追撞，人講原因之一是中國鐵道部油水濟、貪官滿四界，已經掠8個去關。第1名m?是鐵道部長劉志軍，是鐵道部運輸局長張曙光，伊兼鐵道部所屬18間企業ê董事長，伊國內ê財產kah t?美國洛杉磯3間厝無算，干單寄t?國外ê存款有美金28億，等於伊1萬外年ê薪水。 今年6月阮去北歐4國旅遊，當地導遊介紹好額人稅金真重，社會福利世界好，ùi出世到死去，食住穿用攏是政府ê代誌。逐工過了誠快樂，無需要想空想縫beh趁khah濟錢，m?無需要積聚財富h??子孫。設t?德國一個非政府、非營利、國際性ê「透明國際組織」，每年公布全世界各國清廉度排行，舊年10月26公布2010年上清氣ê國家，第1名有3個：丹麥、紐西蘭、新加坡；續落去第4名有2國：芬蘭、瑞典；第6名：加拿大；第10名：挪威。也就是講社會福利做了好ê北歐4國攏t? 10名內。台灣第33名，雖然比78名ê中國加真好，咱猶無滿意！以現此時台灣軍公教人員ê薪水，偌清廉m?絕對無可能散到食飯攪鹽。 有人講陳定南是清廉ê代名詞，每一個軍公教人員若攏kah陳定南仝款，台灣beh h??「透明國際組織」評選入10名內，應該m?是夢！到hit工，台灣無人會koh講：「作官清廉，食飯攪鹽。」準有人講，m?無人知影啥意思。按呢敢m?是真好？

◎李南衡 作囡仔ê時陣，若腳手賤、無一時閒，peh懸peh低、s?g東s?g西，定定做出一寡蓋危險、抑是超過伊所擔會起ê、會h??大人煩惱ê代誌。大人真有可能會罵講：「天無khia?t仔都beh peh起去！」(Thi? bô khia?t-á to beh peh khí khì.)。 50年前t?東海大學讀冊ê時，拄tio?h老師職員抑是in ê家屬，lóng會笑笑tìm頭相借問。有一工，拄tio?h一位外國老師kah伊5、6歲大ê囡仔，笑容緊收起來，緊倚去問講發生啥代誌，囡仔左手那會纏kah lóng是白紗布？外國老師講，昨昏下晡囡仔peh in門口hit欉樹仔，伊k?講peh樹仔tio?h愛細膩，無細膩會跋落來。囡仔問講：跋落來會按怎？老父應講：無細膩跋落來有可能會跋斷手骨抑是腳骨。囡仔koh問：跋斷手骨抑是腳骨會按怎？老父講會真疼，m?有可能tio?h看醫生糊藥仔，做代誌會真無方便。無一下仔，聽囡仔大聲哭，果然ùi樹仔頂跋落來手骨跋斷去。 1961年4月12，前蘇聯太空人Yuri Gagarin坐「東方一號」太空船上天，是第一位進入太空se?h地球飛行ê人，m?是人類歷史上飛上緊ê一個人，每點鐘飛2900萬米。Che大大刺激tio?h美國，1個月後，美國總統John Kennedy發表美國太空研究目標，講10年內beh k?太空人送上月球koh安全轉來地球。1969年7月20，美國「阿波羅11號」太空船載tio?h登月小艇降落t?月球ê寧靜海。太空人t?月球頂面行路，講in行ê一小步，卻是人類ê一大步。 續落去，蘇聯kah美國lóng拚勢探測火星，lóng想beh掀開火星神秘ê面紗，甚至有人講火星若是有水，就有生物生存ê可能；當然，m?有人眠夢beh移民去火星。那像chit粒地球污染踐踏了無夠，緊koh chho?一個新天地來舞h?? phái?。有人k?太空看作是一個希望無限ê金礦，逐個相爭beh去。人會tàng去ê t?送人起去，人b? tàng去ê就先送探測器起去探路。 1975年4月初一，舊蘇聯發射世界第一粒人造衛星成功了後，美國、法國、日本、英國、中國、印度等國家，相續發射各種用途ê人造衛星進入太空中，連咱台灣m?拚3粒起去。拍去太空中ê各種「人造天體」，有ê失去功能、有ê故障，變作太空糞埽，大部分lóng是t?離地面50萬至110萬米懸ê區域內，chiah-ê太空糞埽kah日後koh拍起去ê各種人造衛星kah各種太空器材，相對運動ê速度足大，差不多是每秒幾千米到幾萬米，若小可挨tio?h，有可能成作非常嚴重ê災厄。奇怪，那會無人罵chiah-ê太空科學家：「天無khia?t仔都beh peh起去！」有可能是因為會曉講chit句話ê人愈來愈少。事實上，講，in m?聽無。

◎李南衡  3月27，台南神學院奉獻主日，已經退休了ê李聰顯牧師代表伊ê母校來阮台北大直教會請安kah講道。講道中間，伊有講tio?h伊做囝仔看大戲ê一景。 老一輩ê人lóng知，早前搬大戲，演員演了伊ê戲齣，會t?後台歇睏飲茶。演老生in ê嘴鬚是用一條鐵線拗一個U字形，鐵線雙頭親像目鏡框小可（sió-khoá）彎彎，拄拄（tú-tú）會tàng掛t?耳仔，t?鬢邊、嘴唇頂人中、下頦ê位置有黏長短無仝ê嘴鬚適合各種角色使用。演員落台歇睏ê時，大部分lóng會k?嘴鬚暫時the?h落來the?h t?手裡，會使拭一下汗，m? khah方便飲茶講話。李牧師講hit齣戲是三國演義，扮演張飛hit-ê演員b?記得tú-chiah嘴鬚the?h落來kh?g t?桌頂，輪tio?h伊ê戲就趕緊chông出來。扮演關公角色ê演員大聲喝講：「何方無鬚ê小子報名來！」扮演張飛ê演員聽tio?h「無鬚ê小子」才知害ah，緊講：「二伯在上，我趕緊去chho?阮阿爸來。」緊去k?嘴鬚鬥好勢，趕上台：「小弟張飛拜見二兄。」其實，張飛有後生抑無一點仔都無重要，完全是演員ê臨機應變。李牧師講，t?早前台灣ê演員，咱叫in「做戲仔」，是無社會地位，kah現此時ê「演員」是完全b?比並得。連in都知影拄tio?h問題ê時，tio?h互相支援扶持照顧，何況咱信主ê人？ 李牧師k?一句早早就褪色ê台灣俗語話「戲搬到老ah，嘴鬚the?h t?手！」（hì poa? kah l?u ah, chhùi-chhiu the?h t? chhiú !）趣味化作一篇故事，講kah h??現代人聽有koh聽kah真趣味，全堂笑hai-hai。Chit句俗語話延伸ê意思是講：一個老經驗ê人，那會去犯tio?h chiah呢大、無應該犯ê錯誤leh！ 有一遍，有機會聽永豐餘造紙股份有限公司80幾歲顧問莊有田先生回憶早前老頭家何傳先生ê奮鬥故事。莊顧問講伊20外歲仔來永豐餘到退休，一生跟隨何傳先生，發現伊雖然m?-bat罵人，但是真有威嚴，逐個都驚伊。莊顧問做到公司副總經理ê時，有一遍疏忽犯tio?h一件重大錯誤，老董恬恬，真久才講：「戲搬到老ah，嘴鬚the?h t?手！」害莊副總見笑kah m?知beh按怎才好。當時在場聽莊顧問講話ê幾個人中間，干單70幾歲ê何董kah 64歲ê我聽有ni?-ni?，其他幾位40外，甚至50外歲ê lóng聽無，問講老董事長講hit句話是啥意思？ 現此時50歲以下ê台灣人，聽tio?h chit句台灣俗語話：「戲搬到老ah，嘴鬚theh t?手！」知影意思ê人應該無幾個。若koh過10年8年，恐驚連一個台灣人都聽無。類似ê意思，若是講日本俗語話：「猴山仔也會ùi樹仔頂跋落來。」我想，聽有ê台灣人可能顛倒khah濟。